తిరుగమనం

మాసిపోయిన మనసు మరల మనసు మార్చుకొని
ముసి ముసి నవ్వులను మొహం నిండా అద్దుకొని
మురిపెంగా పిలుస్తుంటే
మదిని మందలించి తనతో ముందడుగు వేయాలా ..
మరచిన గతాన్ని పిలచి దూరంగా పోవాలా
కనురెప్పల చాటున కన్నీళ్ళని దాచుకొని
పలికే పెదాలలో వణుకును నింపుకొని
మారానని మారం చేస్తూ
మదిని మెలికలు పెట్టేస్తున్న తన వ్యధను
మౌనంగా స్వీకరించాలా........
కళ్ళల్లో కన్నీటి నదులను పరిగెత్తించి
గుండెల్లో ఉప్పెనలను రేకెత్తించి
నా మనసుకి చేసిన గాయానికి
బదులు తీర్చుకోనా