నా యదపుస్తకం

చెలియా ...

నీ అలికిడి యద తలపులకి చేరిన క్షణం లో....

నా యద పుస్తకం లో నీ పరిచయం నుండి

పొందిపరచిన జ్ఞాపకాలను

ఒక్కక్కటి తిరగేస్తూ చదువుతూవుంటే ....

ఒక పేజి ఆనందాన్ని పంచితే ..మరో పేజి విరహాన్ని పెంచుతోంది,

ఒక పేజి ప్రేమను పంచితే ..మరొకటి తాపాన్ని రగిలిస్తోంది,

ఒకటి చిరునవ్వుని నింపితే ..ఇంకొకటి కన్నీళ్లను పెట్టిస్తోంది ..

తిప్పే ప్రతి పేజి కి ఒక గుండె చప్పుడు

చదివే ప్రతి అక్షరానికి ఒక యద భావం

చూసే ప్రతి పదానికి ఒక మౌనరాగం

ఇలా చదువుతున్న ప్రతి అక్షరానికి

మారుతున్న నా యద భావాల సవ్వడిలో

ఏ పేజి లో నిలిచి, నీకోసం ఎదురు చూడాలి

ఏ పేజి లో తలచి, నిను పిలవాలి

మరేపేజి లో నీ దరికి చేరాలి

మరింకే పేజి లో నీ జతగా నిలవాలి...........